महोत्तरी, १७ चैत । महोत्तरी प्रहरीले स्रोत नखुलेको रकमसहित एक युवकलाई पक्राउ गरेको छ ।

महोत्तरीको सम्सी गाउँपालिका–६ भेटपुर चोकबाट स्रोत नखुलेको ७ लाख ९१ हजार नगदसहित औरही नगरपालिका–५ टिम्किया बस्ने २० वर्षीय वीरेन्द्र कुमार दासलाई पक्राउ गरिएको हो ।

भारतबाट नेपालतर्फ आउँदै गरेका उनलाई प्रहरी चौकी सम्सीबाट खटिएको प्रहरीले चेकजाँच गर्ने क्रममा उक्त नगद सहित फेला पारी पक्राउ गरेको हो ।

पक्राउ परेका दासलाई आवश्यक कारवाहीका लागि भन्सार कार्यालयमा बुझाइएको छ ।