पर्सा, १७ चैत । पर्साको सखुवाप्रसौनी गाउँपालिकाकी उपाध्यक्ष फुलमती देवी चौधरीलाई पार्टीबाट निष्कासन गरिएको छ ।

जनता समाजवादी पार्टी नेपालको नीति र सिद्धान्तविपरीत काम गरेको भन्दै उनलाई साधारण सदस्य समेत नरहने गरी पार्टीबाट निकालिएको जसपा पर्सा अध्यक्ष राम नरेश यादवले बताए ।

काठमाडौंमा एमाले अध्यक्ष केपी शर्मा ओलीसँग भेटघाट गरेर पार्टी प्रवेश गरेको चर्चा चले पनि उपाध्यक्ष चौधरीले भ्रम फैलाइएको भन्दै विज्ञप्ति जारी गरेर त्यसको खण्डन गरेकी थिइन् ।

उनका श्रीमान् शिवनाथ थारु नेकपा एमाले निकट नेपाल राष्ट्रिय शिक्षक संगठन पर्साका अध्यक्ष छन् ।

थारु सखुवा प्रसौनीस्थित दिपनारायण आदर्श माविका प्रधानाध्यापक हुन् ।