जनकपुरधाम, १३ चैत । धनुषाको विदेह नगरपालिकास्थित तिनकौरीया चोकको एक किराना पसलमा आगजनी गरिएको छ ।

शनिबार राति करिव साढे ११ बजे सन्तोष कुमार मण्डलले सञ्चालन गरेको सन्ता पान प्यालेसमा आगजनी भएको हो ।

आगलागीबाट सम्पूर्ण पसल जलेर नष्ट भएको छ । पसल भित्र रहेका किराना, कपडा लगायतको सरसमान जलेर १० लाख बढीको क्षति भएको पसल सञ्चालक मण्डलले बताए ।

प्रहरी बजारमा ड्यूटी नबस्दा कसैले आगो लगाइदिएको हुन सक्ने स्थानीयको गुनासो छ ।