रौतहट, १० चैत । रौतहटमा प्रहरीले भाउजुको हत्या गरेको आरोपमा देवरलाई पक्राउ गरेको छ ।

पक्राउ पर्नेमा जिल्लाको फतुवा विजयपुर नगरपालिका–२ शितलपुर बस्ने ३५ वर्षीय बिन्दा महतो रहेका छन् ।

४० वर्षीया भाउजु रमकुर्मी देवीको हत्या गरेको आरोपमा महतोलाई बिहीबार बिहान प्रहरीले पक्राउ गरेको हो ।

पुरानो रिसिवीको कारण चैत ४ गते राती बिन्दाले बाँसको लाठीले हिर्काउदा गम्भीर घाइते भएकी उनको ट्रोसिटी अस्पताल वीरगञ्जमा उपचारको क्रममा बिहीबार मृत्यु भएको ईलाका प्रहरी कार्यालय सन्तपुरले जनाएको छ ।

पक्राउ परेका महतोमाथि थप अनुसन्धान भइरहेको प्रहरीले जनाएको छ ।