काठमाडौं, १० चैत । नेपाली कांग्रेसका वरिष्ठ नेता रामचन्द्र पौडेलेले आफू पक्षीय जिल्ला सभापतिको भेला बोलाएका छन् ।

भेला शुक्रबार बिहान ९ बजे काठमाडौंमा बस्ने बताइएको छ ।

स्थानीय तहको निर्वाचन नजिकिएसँगै नेता पौडेलले जिल्ला सभापतिसँग छलफल गर्न लागेका हुन् ।

उनले नेपाली कांग्रेसको १४ महाधिवेशनयता जिल्ला सभापतिसँग छलफल गरेका थिएनन् ।

अहिले कांग्रेसका नेताहरू स्थानीय तह निर्वाचन केन्द्रित एकमहिने अभियान लिएर गाउँगाउँ पुगेका छन् ।

त्यस्तै, भोलि नै कांग्रेसले केन्द्रिय कार्यसमितिको बैठक डाकेको छ ।

बैठकमा चुनावी तालमेललगायतका विषयमा छलफल हुन बताइएको छ ।