सर्लाही, ८ चैत । सर्लाहीमा जिपको ठक्करबाट एकजना पैदल यात्रीको मृत्यु भएको छ भने एक जना गम्भीर घाइते भएका छन् ।

जिल्लाको गोडैता नगरपालिका–१० मा सोमबार राति जिपको ठक्करबाट भारत घर भई हाल सर्लाहीको गोडैतास्थित माइतीमा बस्दै आएकी ४० वर्षिया रंजिता देवी मंण्डलको मृत्यु भएको हो ।

ठक्करबाट गम्भीर घाइते भएकी मण्डलको अस्पताल लैजाँदै गर्दा बाटोमै मृत्यु भएको प्रहरीले जनाएको छ ।

द्युर्घटनामा परी ६५ वर्षीया जयकलिया देवी मण्डल गम्भीर घाइते भएकी छिन् । उनको मलंगवास्थित प्रादेशिक अस्पतालमा उपचार भईरहेको छ ।

ठक्कर दिने जिप सहित चालकलाई नियन्त्रणमा लिएको प्रहरी चौकी गोडैताले जानकारी दिएको छ ।