काठमाडौं, ६ चैत । न्याय सेवा आयोगले १८५ जना कर्मचारीको सरुवा गरेको छ ।

आइतबार बसेको आयोगको बैठकले न्याय सेवाका धेरै कर्मचारीको एकै पटक सरुवा गरेको हो ।

सरुवा गरिएकाहरुमा न्याय सेवाका ११ जना सहसचिव, ४० उपसचिव र १३४ जना अधिकृत रहेका छन् ।

बैठकले जिल्ला न्यायाधीशको परीक्षा उतीर्ण गरेका दुई जनालाई जिल्ला न्यायाधीशमा सिफरिस गरेको छ ।

लिखित परीक्षा र अन्तर्वार्ता परीक्षा उतीर्ण गरेका भुवन गिरी र ओमबहादुर सोडारीलाई आयोगले जिल्ला न्यायाधीशमा सिफारिस गरेको हो ।