महोत्तरी, २४ फागुन । महोत्तरीको मटिहानी नगरपालिकाले अन्तर्राष्ट्रिय महिला दिवसको अवसरमा मरनी देवीलाई सम्मान गरेको छ ।

११२ औं अन्तर्राष्ट्रिय महिला दिवसको अवसरमा मंगलवार मटिहानी– ९ सिमरदहीकी मरनी देवीलाई सम्मान गरिएको हो ।

२०५८ सालमा बोक्सीको आरोप लगाउँदै मलमूत्र खुवाई कटपिट गरी गम्भीर घाइते बनाइएकी मरनीलाई नगर प्रमुख हरि मण्डलले दोसल्ला र ५० हजार नगद सहित सम्मान गरेका छन् ।

मटिहानी नगरपालिकाका उप–प्रमुख शिवो देवी साहको सभापतित्वमा सम्पन्न कार्यक्रममा प्रमुख प्रशासकीय अधिकृत राजेश कुमार शर्मा, कार्यपालिका सदस्यज्युहरु, महिला वड़ा सदस्यज्यूहरु, ओरेक नेपालका लीला दयाली लगायतका कर्मचारीहरुको सहभागीता रहेको थियो ।