काठमाडौं, १३ फागुन । एमसीसीको विषयमा पार्टीको धारणा तय गर्न जनता समाजवादी पार्टी नेपालको केन्द्रीय कार्यकारिणी समितिको बैठक आज बस्न लागेको छ ।

एमसीसीलाई लिएर जसपा दुई धारमा विभाजित रहेको छ । उपेन्द्र यादव पक्ष एमसीसीको विपक्षमा र डा.बाबुराम भट्टराई एमसीसीको पक्षमा छन् । यही कारण पार्टी फुटको समेत आशंका भइरहेका बेला कार्यकारिणी समितिको बैठक बस्न लागेको हो ।

कार्यकारिणी समितिको बैठक बस्ने तयारी भइरहेको बेला एमसीसीको विपक्षमा जसपा कार्यालय अगाडी प्रदर्शन भइरहेको छ ।

एमसीसीको पक्षमा निर्णय नहोस् भनि दवावका लागि प्रदर्शन भइरहेको बताइएको छ ।