जनकपुरधाम, ३ फागुन । बुद्ध एयरले पोखराबाट जनकपुरधाम र धनगढीमा सिधा उडान भर्न लागेको छ ।

मंगलबार एक सूचना जारी गर्दै कम्पनीले आगामी फागुन १७ अर्थात १ मार्च २०२२ देखि यी दुई रुटमा उडान भर्न लागेको जानकारी दिएको हो ।

पोखराबाट जनकपुरधामका लागि सोमबार, बिहीबार र शनिबार सिधा उडान हुनेछ भने पोखराबाट धनगढीका लागि आइतबार, बुधबार र शुक्रबार उडान हुने गरी तालिका तोकिएको छ ।

पोखराबाट साढे ११ बजे उड्ने जहाज धनगढीबाट भने १२ः४० मा पोखराका लागि उड्ने छ । बुद्धले अहिले पोखराबाट सिमरा, नेपालगञ्ज, भैरहवामा सिधा उडान गरिसकेको छ ।

पछिल्लो समय बुद्धले क्षेत्रीय उडानलाई प्राथमिकता दिएको छ ।