काठमाडौं, २ फागुन । संस्कृतिविद् सत्यमोहन जोशी अस्पतालबाट डिस्चार्ज भएका छन् ।

उनी आज दिउँसो किस्ट मेडिकल कलेज शिक्षण अस्पतालबाट डिस्चार्ज भएका हुन् ।

अस्पताल स्रोतका अनुसार उनको स्वास्थ्यमा सुधार आएपछि डिस्चार्ज गरिएको हो ।

गत माघ २५ मा छाती दुखेपछि जोशी अस्पताल भर्ना भएका थिए । स्वास्थ्य परीक्षण गर्दा उनमा मुटुको समस्याका साथै निमोनिया पनि देखिएको थियो ।

अस्पतालबाट डिस्चार्ज भए पनि घरमा केही दिन अक्सिजनकै सपोर्टमा राख्नुपर्ने अस्पतालले जनाएको छ ।