काठमाडौं, २८ पुस । नेपालमा पछिल्लो एक सातामा कोरोना भाइरसका १० हजार संक्रमित थपिएका छन् । बुधबार मात्रै एकैदिन ३ हजार ७५ जनामा कोरोना संक्रमण पुष्टि भएको छ ।

गत पुस २२ गते नेपालमा ५४० जनामा कोरोनाभाइरस संक्रमण पुष्टि भएको थियो । बुधबारसम्म आइपुग्दा सो संख्या झण्डै ६ गुढा बढेको छ ।

अघिल्लो मंगलबारसम्म नेपालमा ५ हजार ९४ जना मात्रै सक्रिय संक्रमित थिए । बुधबार त्यो संख्या ११ हजार ६ सय ९० पुगेको छ ।

स्वास्थ्य तथा जनसंख्या मन्त्रालयका अनुसार पुस २३ गते ९६८ जना, पुस २४ गते ९४४ जना, पुस २५ गते १ हजार १६७ र पुस २७ गते २ हजार ४४४ जना संक्रमित थपिएका छन् ।

बुधबार भने एकैदिन ३ हजार ७५ जना संक्रमित पुगेका छन् ।