काठमाडौं, २२ पुस । शुक्रबारबाट हुन लागेको नेकपा एमालेको ७७ वटै जिल्ला अधिवेशनको पार्टी अध्यक्ष केपी शर्मा ओलीले भर्चुअल रुपमा उद्घाटन गर्ने भएका छन् ।

शुक्रबार बिहान ११ बजे अध्यक्ष ओलीले जिल्ला अधिवेशनको उद्घाटन भर्चुअल रूपमा गर्ने भएका हुन् ।

एमाले प्रचार विभागका उपप्रमुख विष्णु रिजालले पार्टी केन्द्रीय कार्यालयको ‘एक्सन रुम’बाट ओलीले उद्घाटन गर्ने तय भएको जानकारी दिए ।

एमालेको १०औं महाधिवेशन एक महिनाअगाडि नै सम्पन्न भएपनि जिल्ला अधिवेशन भने बाँकी नै रहेको थियो ।