काठमाडौं, १ पुस । नेपाली कांग्रेसको १४ औं महाधिवेशनमा महामन्त्री पदमा हारेपछि रक्षामन्त्री मिनेन्द्र रिजालले राजीनामा दिएका छन् । उनले प्रधानमन्त्री शेरबहादुर देउवालाई राजीनामापत्र बुझाएका हुन् ।

प्रधानमन्त्रीको सरकारी निवास वालुवाटार पुगेर रिजालले राजीनामा बुझाएका छन् ।

पार्टीको महामन्त्रीमा उम्मेदवारी दिएका रिजालले प्रारम्भिक मतपरिणाम आएलगतै राजीनामा घोषणा गरेका थिए ।

प्रधानमन्त्री देउवाले रिजाललाई गत असोज २२ गते रक्षामन्त्रीमा नियुक्त गरेका थिए ।