जनकपुरधाम, २७ कार्तिक । अल्पमतमा रहेको मधेश प्रदेश सरकारले भीमफेदी दुर्घटनामा ज्यान गुमाएका मृतकका परिवारलाई जनही एक लाख रुपैयाँ राहत उपलब्ध गराउने निर्णय गरेको छ ।

शुक्रबार बसेको मन्त्रीपरिषद् बैठकले दुर्घटनामा मृत्यु भएका १४ जनाको परिवारलाई आर्थिक सहायता उपलब्ध गराउने निर्णय गरेको हो ।

त्यस्तै, मधेश प्रदेशसभाको बैठक कार्तिक २८ गतेदेखि पुनः सञ्चालन गर्ने निर्णय पनि सरकारले गरेको छ ।

लामो समयदेखि प्रभावित प्रदेशसभा बैठकलाई सुचारु गर्ने तयारीस्वरूप सरकारले उक्त निर्णय गरेको हो ।