गोरखा पठाइएका प्रमुख जिल्ला अधिकारीको सरूवा बदर

टुडे आवाज २०७९ माघ १२, बिहीबार २२:५८

काठमाडौं, १२ माघ । गृह मन्त्रालयले गोरखा पठाइएका प्रमुख जिल्ला अधिकारीको सरुवा बदर गरेको छ । गृहले माघ ६ गते गोरखासहित देशभरका प्रमुख र सहायक प्रमुख जिल्ला अधिकारीको सरुवा गरेको थियो ।

त्यसक्रममा गोरखामा सिराहाका लालबाबु कवारीलाई सरुवा गरिएको थियो। गोरखाका प्रमुख जिल्ला अधिकारी शंकरहरि आचार्यलाई कपिलवस्तु पठाएर त्यहाँ कवारीलाई सरुवा गरिएको थियो ।

तर, गोरखा पठाइएका कवारीलाई गृह मन्त्रालयले बुधबार पत्र दिएर नजान भनेको छ। गृह मन्त्रालयका प्रवक्ता फणिन्द्रमणि पोखरेलले तत्काललाई गोरखामा अर्को प्रजिअ पठाउने निर्णय भइनसकेको बताएका छन् ।

गोरखाबाट सरुवा भएका प्रजिअ आचार्य कपिलवस्तु पुगेर काम थालिसकेका छन्। गोरखा अहिले प्रजिअविहीन छ। त्यहाँबाट सहायक प्रजिअ चित्रांगत बरालको पनि पर्वत सरुवा भएको छ। अब आउने भनिएका सहायक प्रजिअमा पुष्कर राना पनि आइसकेका छैनन्।

कवारी अहिले पनि जिल्ला प्रशासन कार्यालय सिराहमै छन्। कवारीले आफू गोरखा जान तयार भइरहेका बेला नजान भनेर पत्र आएको बताएका छन्। तर किन नजान भनिएको कारणबारे आफूलाई थाहा नभएको उनको भनाइ छ ।

गोरखा प्रधानमन्त्री पुष्पकमल दाहाल प्रचण्डको चुनाव क्षेत्रसमेत हो । गृहकै निर्णयमा गोरखामा सरुवा भएका प्रजिअ कवारीको राजनीतिक दबाबले नै सरुवा रोकिएको अनुमान छ।

गृहमन्त्री लामिछानेले माघ ४ गते प्रमुख जिल्ला अधिकारीहरुको पदस्थापन तथा सरुवा र कामकाज गर्न खटाउनेसम्बन्धी कार्यविधि जारी गरेका थिए ।

उनले त्यसबेला कर्मचारीहरुको सरुवा नियमसंगत हुने बताएका थिए। मन्त्रालयले आफ्नै निर्णय चार दिन नबित्दै उल्ट्याएपछि गृहमन्त्री लामिछानेको प्रतिबद्धतामा पनि प्रश्न उठेको छ।

गोरखा पठाइएका प्रमुख जिल्ला अधिकारीको सरूवा बदर

तपाईको प्रतिक्रिया !

सम्बन्धित खबर

गुठीको नाममा उठीबास लगाउन खोजिएको भन्दै जनकपुरमा मसाल जुलुस

सिरहामा शिक्षामन्त्री पोखरेलविरुद्ध होहल्ला, सांसद भन्छन्– ‘लखेटिएको होइन’

ठूलो जनमत पाएको रास्वपा सरकारप्रति मधेशबाटै असन्तुष्टि

राप्रपा धनुषाको अध्यक्षमा यादव तेस्रो पटक निर्विरोध निर्वाचित

दशैँको तयारीमा जुट्यो राम युवा कमिटी, विभिन्न उपसमितिका संयोजक तोकिए

ताजा समाचार

गुठीको नाममा उठीबास लगाउन खोजिएको भन्दै जनकपुरमा मसाल जुलुस

सिरहामा शिक्षामन्त्री पोखरेलविरुद्ध होहल्ला, सांसद भन्छन्– ‘लखेटिएको होइन’

ठूलो जनमत पाएको रास्वपा सरकारप्रति मधेशबाटै असन्तुष्टि

राप्रपा धनुषाको अध्यक्षमा यादव तेस्रो पटक निर्विरोध निर्वाचित

दशैँको तयारीमा जुट्यो राम युवा कमिटी, विभिन्न उपसमितिका संयोजक तोकिए

राप्रपा धनुषाको जिल्ला अधिवेशन विवादित, एक पक्षद्वारा बहिष्कार

हाम्रो बारेमा

हाम्रो टीम