सप्तरी, २४ पुस । सप्तरीमा सवारी दुर्घटनामा परी दुईजनाको मृत्यु भएको छ ।

जिल्लाको खडक नगरपालिका–११ मा रोकिराखेको टिपरमा मोटरसाइकल ठोक्किदा दुईजनाको मृत्यु भएको छ भने एकजना गम्भीर घाइते भएका छन् ।

बोदेबर्साइनबाट राजविराजतर्फ जाँदै गरेको बा८९प ३२१५ र प्रदेश–१–०२–०४४ प ८६१९ नम्बरको मोटरसाइकल बिग्रिएर रोकिराखेको स १ ख ९२८ नम्बरको टिपरमा ठोक्किएको थियो ।

मोटरसाइकलमा सवार दुईजनाको घटनास्थलमै मृत्यु भएको इलाका प्रहरी कार्यालय कल्याणपुरले जनाएको छ ।

घाइते भएका अन्दाजी २४ वर्षीय पुरुषलाई उपचारका लागि राजविराजस्थित गजेन्द्रनारायण सिंह अस्पतालमा पठाइएको छ ।

मृतक र घाइतेको पहिचान खुल्न बाँकी रहेको प्रहरीले जनाएको छ ।