जनकपुरधाम, २० असोज । जनकपुरधामको एक घरमा बुधबार राति लाखौंको लुटपाट भएको छ । जनकपुरधाम उपमहानगरपालिका–२३ विन्धी बस्ने रामबाबु मिश्राको घरमा लुटपाट भएको हो ।

मध्यरातमा केही अपरिचित व्यक्ति पसेर सुनचाँदीको गरगहना, नगद ८० हजार र मोवाइलसमेत गरी १७ लाख बराबरको लुटपाट गरेको घरधनीलाई उद्धृत गर्दै धनुषाका डीएसपी दिपक रायले जानकारी दिए ।

प्रहरीले घटनाको अनुसन्धान गरिरहेको डीएसपी रायले बताए ।