जनकपुरधाम, १९ असोज । जनकपुरधाममा करेन्ट लागेर दुई दाजुभाइको मृत्यु भएको छ भने दुईजना घाइते भएका छन् ।

बुधबार बिहान करिव ३ बजे जनकपुरधाम उपमहानगरपालिका वडा नम्बर–२३ विन्धीमा करेन्ट लागेर एकै परिवारका दुई दाजुभाइको मृत्यु भएको हो ।

मृत्यु हुनेमा सोही ठाउँ बस्ने ६० वर्षीय दिनेश चौधरी र उनका ५४ वर्षीय भाइ रामेश्वर चौधरी रहेका छन् ।

आफ्नै घरमा मोटरको तार जडान गर्ने क्रममा दिनेशकी श्रीमति निर्मला देवीलाई करेन्ट लाग्दा बचाउन गएको क्रममा दिनेश, रामेश्वरलाई करेन्ट लागेको थियो ।

उनीहरुलाई उपचारका लागि प्रादेशिक अस्पताल जनकपुरधाममा ल्याउँदा उपचारकै क्रममा मृत्यु भएको जिल्ला प्रहरी कार्यालय धनुषाका प्रवक्ता प्रहरी नायव उपरीक्षक दिपक रायले जानकारी दिए ।

घटनामा परी ४० वर्षीय दिनेश चौधरी र निर्मला चौधरी गम्भीर घाइते भएका छन् ।

मृतक रामेश्वर चौधरी नेपाली काँग्रेसको जनकपुरधाम उपमहानगरपालिकाका नगर कमिटी सदस्य थिए ।