काठमाडौं, ८ बैशाख । ललितपुरको औद्योगिक क्षेत्रभित्र रहेको सगरमाथा अक्सिजन प्लान्टमा विस्फोट हुँदा एकजनाको मृत्यु भएको छ ।

विस्फोटमा परी अन्य सात जना घाइते भएको प्रहरीले जनाएको छ ।

महानगरीय प्रहरी परिसर, ललितपुरका एसपी सिद्धिविक्रम शाहका अनुसार अक्सिजन भर्ने क्रममा एक्कासि विस्फोट हुँदा दुर्घटना भएको हो ।

प्रहरीले प्लान्टमा कार्यरत अन्य श्रमिकलाई भने उद्धार गरेको उनले जानकारी दिए ।