जनकपुरधाम, ३१ चैत । नेपाल लोकतान्त्रिक खेलकुद संघ धनुषाको प्रथम जिल्ला अधिवेशन सम्पन्न भएको छ ।

अधिवेशनमार्फत अखिल मढीको अध्यक्षतामा नयाँ नेतृत्व चयन गरिएको हो । मढी पुनः जिल्ला अध्यक्ष पदमा सर्वसम्मत चयन भएका छन् ।

कार्यक्रममा जिल्लाभरिका खेलकर्मी, खेल संघका प्रतिनिधिहरू तथा विशिष्ट अतिथिहरूको उपस्थिति रहेको थियो ।सबै पदाधिकारीहरू एकमतले चयन गरिएको संघले जनाएको छ ।

नयाँ कार्यसमितिको उपाध्यक्षमा राकेश यादव, महिला उपाध्यक्षमा मिशा महासेठ, सचिवमा सुभाष कुमार शर्मा, सह–सचिवमा पंकज कुमार रोशन र कोषाध्यक्षमा रुपक श्रेष्ठलाई चयन गरिएको हो ।

त्यस्तै, सदस्यहरूमा बैकुण्ठ श्रेष्ठ, राजेश कुमार साह, बाबुराम श्रेष्ठ, मनोज दनुवार, संजय कुमार यादव, राहुल साह र दिनेश सिंह चयन भएका छन् ।

क्षेत्रगत प्रतिनिधिहरूमा शिव शरण यादव, शिव नन्दन ठाकुर, गोपाल महासेठ, उमेश यादव, उपेन्द्र नारायण यादव, मनोज कुमार यादव, बिनय कुमार पाण्डेय, सिमा मण्डल, रण्जित कुमार पण्डित, राजेश कुमार यादव, शत्रुधन श्रेष्ठ, डा. मिशा महासेठ, पंकज कुमार रोशन, बिपिन कुमार यादव, सरोज कुमार सिंह, रामवरण यादव, कल्याण भुजेल, राहुल कुमार साह चयन भएका छन् ।

‘धनुषाको खेलकुद विकासमा नेपाल लोकतान्त्रिक खेलकुद संघले अग्रणी भूमिका खेल्नेछ,’ अध्यक्ष मढीले भने, ‘हामीले विगतमा पनि थुप्रै खेलकुद गतिविधिहरू सञ्चालन गरेका थियौं । अब यो नयाँ कार्यसमितिको गठनसँगै अझ योजनाबद्ध र प्रभावकारी ढंगले जिल्लास्तरीय खेल प्रतियोगिता, खेलाडी प्रशिक्षण र आधारभूत पूर्वाधार निर्माणमा जोड दिनेछौं ।’

उनले भने, ‘धनुषा जिल्लाका ग्रामीण क्षेत्रका खेलाडीहरूमा ठूलो सम्भावना छ । हामी तिनीहरूलाई मुख्य धारमा ल्याउन विशेष कार्यक्रम ल्याउनेछौं ।’

अधिवेशनपछि खेलकर्मीहरूमा नयाँ नेतृत्वसँग सहकार्य गर्ने आशा बढेको छ । स्थानीय क्लब र प्रशिक्षकहरूले संघको सक्रियताले खेलकुदको स्तर उठ्ने अपेक्षा गरेका छन् ।

नयाँ कार्यसमितिले आगामी दिनमा खेलकुदलाई संस्थागत गर्दै राष्ट्रिय तथा अन्तर्राष्ट्रिय स्तरमा प्रतिस्पर्धी खेलाडी उत्पादन गर्ने दिशामा काम गर्ने प्रतिबद्धता जनाएको छ ।

अधिवेशनले धनुषा जिल्लामा खेलकुदको समुचित विकास, युवा सहभागिता र सुदृढ संगठनात्मक संरचना निर्माणमा महत्वपूर्ण योगदान पुर्याउने अपेक्षा गरिएको छ ।

कार्यक्रममा संघका पदाधिकारी, क्षेत्रीय प्रतिनिधिहरू तथा विभिन्न वडा र समुदायका प्रतिनिधिहरूको उत्साहजनक सहभागिता रहेको थियो । नेपाली कांग्रेस धनुषा जिल्ला सभापति योगेन्द्र पजियार, उपसभापति गणेश एवम् तरुण नेता मानवेन्द्र निधि, केन्द्र प्रतिनिधिका साथै विभिन्न संघसंस्थाबाट बिशिष्ट व्यक्तिहरुको उपस्थितिमा अधिवेशन सम्पन्न भएको छ ।