सप्तरी, ४ बैशाख । सप्तरीमा दुई पक्षबीच झै–झगडा हुँदा १० जना घाइते भएका छन् ।

सोमबार बिहान सप्तरीको बिष्णुपुर गाउँपालिका–४ स्थित बैदेशिक रोजगारको क्रममा मलेशियामा भएको वादविवादको बिषयलाई लिएर झै–झगडा हुँदा बचाउन गएका एकजनासहित १० जना घाइते भएको जिल्ला प्रहरी कार्यालय सप्तरीले जनाएको छ ।

दुई पक्षबीचको झगडा छुटाउन जाँदा स्थानीय देवानन्द कुमार साहको टाउकोमा चोट लागेको छ ।

यस्तै, सो झगडामा रञ्जित खंग, राजाराम खंग, भुविन्द्र खंग, रमेश खंग, रामसुनार देवी, बिनोद खंग, अशोक खंग, सुरजि कुमारी खंग र धर्मदेव मण्डल घाइते भएको प्रहरी प्रवक्ता प्रहरी नायव उपरीक्षक नरेशकुमार सिंहले जानकारी दिए ।

घाइतेहरुको गजेन्द्रनारायण सिंह सगरमाथा अस्पतालमा उपचार भइरहेको तथा यस सम्बन्धमा थप अनुसन्धान भइरहेको जिल्ला प्रहरी कार्यालय सप्तरीले जनाएको छ ।