जनकपुरधाम, २९ चैत । पिकनिक मनाउन गएका एक युवकको कमला नदीमा डुबेर मृत्यु भएको छ ।

जिल्लाको गणेशमान चारनाथ नगरपालिका–५ टोडकीटोलस्थित कमला खोलामा पौडी खेल्ने क्रममा जनकपुरधाम उपमहानगरपालिका–६ निवासी १८ वर्षीय मोहमद आयन बेपत्ता भएका थिए ।

साथीहरूसँग पिकनिक मनाउन पुगेका आयन नदीमा पौडी खेल्ने क्रममा अचानक हराएपछि तत्काल प्रहरीलाई खबर गरिएको थियो ।

त्यसपछि सशस्त्र प्रहरी बलको गोताखोर टोली घटनास्थल पुगेर खोजी कार्य सुरु गरेको थियो ।

खोजीका क्रममा केही समयपछि आयनको शव खोला किनार नजिकै फेला परेको प्रहरीले जनाएको छ ।

घटनापछि स्थानीयवासी र सुरक्षाकर्मीको संयुक्त टोलीले व्यापक खोजी अभियान सञ्चालन गरेका थिए ।