जनकपुरधाम, २१ असोज । नेपाली कांग्रेस जनकपुरधाम उपमहानगरपालिकाको १५औँ नगर अधिवेशनबाट राकेश विक्रम साह नगर सभापतिमा सर्वसम्मत चयन भएका छन् ।

अधिवेशनबाट साहलाई नगर सभापतिमा सर्वसम्मत चयन गरिएको हो । त्यस्तै, सुभाष पाठक उपसभापतिमा र शिवरतन दास सचिवमा चयन भएका छन् ।

नेपाली कांग्रेसको जनकपुरधाम उपमहानगरपालिका नगर कार्यसमितिका अन्य पदाधिकारी तथा सदस्यहरूको विवरण भने आउन बाँकी रहेको छ ।

अधिवेशनले नयाँ नेतृत्व चयनसँगै आगामी कार्यदिशा र संगठन सुदृढीकरणमा समेत जोड दिने बताइएको छ ।

नवनिर्वाचित नगर सभापति साहले पार्टी संगठनलाई थप सुदृढ बनाउँदै कार्यकर्ताबीचको एकता र समन्वयलाई प्राथमिकतामा राख्ने बताए ।