जनकपुरधाम, ६ बैशाख । धनुषाको कमला नगरपालिका–७ सिङ्ग्याहीमा ट्याक्टर दुर्घटना हुँदा एक जनाको मृत्यु भएको छ ।

मृत्यु हुनेमा कमला नगरपालिका–६ निवासी चालक आकाश यादव रहेको प्रहरीले जनाएको छ ।

इलाका प्रहरी कार्यालय खजुरीका प्रहरी निरीक्षक बबिन्द्र नेम्वाङका अनुसार स १ त ५१२९ नम्बरको ट्याक्टर खेतबाट माटो ओसार्ने क्रममा अनियन्त्रित भई दुर्घटनामा परेको हो ।

दुर्घटनामा गम्भीर घाइते भएका यादवको घटनास्थलमै मृत्यु भएको बताइएको छ ।

प्रहरीले घटनास्थलमा पुगेर आवश्यक मुचुल्का प्रक्रिया पूरा गरी शव परीक्षणका लागि प्रादेशिक अस्पताल जनकपुरधाम पठाएको जनाएको छ ।

दुर्घटनाको कारणबारे थप अनुसन्धान भइरहेको प्रहरीले जनाएको छ ।