ल्हासा, २४ पुष । दक्षिण–पश्चिम चीनको तिब्बत स्वायत्त क्षेत्रको तिङ्ग्री काउन्टीमा मङ्गलबार बिहान आएको ६.८ म्याग्निच्युडको भूकम्पपछि बुधबार दिउँसो सम्म ६४६ परकम्प पत्ता लागेको छ ।

क्षेत्रीय आपत्कालीन व्यवस्थापन विभागका प्रमुख होङ लीका अनुसार सबैभन्दा ठूलो पराकम्पनको म्याग्निच्युड ४.४ थियो र यो केन्द्रविन्दुबाट करिब १८ किलोमिटर टाढा महसुस भएको थियो ।

यस भूकम्पमा १२६ जनाको मृत्यु भएको र १८८ जना घाइते भएका छन् । प्रभावित क्षेत्रमा दूरसञ्चार, सडक र बिजुली सेवाहरू पुनस्र्थापित गरिएको छ ।

चीनको चाइनिज रेड क्रस सोसाइटी (आरसीएससी) ले मङ्गलबार राति भूकम्प प्रभावित क्षेत्रहरूमा दोस्रो चरणको राहत सामग्री पठाएको छ । यसमा कपडाको पाल, सिरक र फोल्डिङ बेड सहित चार हजार तीन सयवटा राहत सामग्री सामेल छन् ।

आरसीएससीले आपत्कालीन प्रतिक्रिया सामग्रीहरूसहित ५० भन्दा बढी उद्धारकर्मीलाई पनि प्रभावित क्षेत्रमा पठाएको छ । यसमा आपत्कालीन सरसफाई शौचालय, खाना पकाउने गाडी र क्याम्पर गाडी पनि सामेल छन् ।

राहत कार्य अझै जारी रहेको र प्रभावित क्षेत्रका नागरिकहरूको पुनःस्थापना प्रयास तेज गरिएको छ ।