काठमाडौं, १२ पुस । नेकपा एमालेका अध्यक्ष केपी शर्मा ओलीले नवनियुक्त मन्त्रीहरूलाई जनताप्रति उत्तरदायी भएर काम गर्न निर्देशन दिएका छन् ।

मंगलबार बिहान आफ्नो निवास बालकोटमा बोलाएर उनले एमालेबाट सरकारमा सहभागी मन्त्रीहरूलाई सुशासन, समृद्धि र राष्ट्रहितमा काम गर्न निर्देशन दिएका हुन् ।

उपप्रधान तथा अर्थमन्त्री विष्णु पौडेल, बिना विभागीय मन्त्रीहरू दामोदर भण्डारी, ज्वालाकुमारी साह र राजेन्द्रकुमार राई बालकोट पुगेका थिए । उनीहरूले सोमबार मन्त्री पदको शपथग्रहण गरेका थिए ।