काठमाडौं, १७ मंसिर । नेकपा माओवादी केन्द्रका नेता मातृका प्रसाद यादवले गठबन्धनकै कारण मधेसमा माओवादी कमजोर भएको दाबी गरेका छन् ।

शनिबार पार्टी कार्यालयमा पत्रकारहरुसँग कुराकानी गर्दै नेता यादवले मधेसमा गठबन्धन नफापेको बताए ।

अध्यक्ष पुष्पकमल दाहाल प्रचण्ड प्रधानमन्त्री भए देशको कल्याण हुने बताउँदै उनले सत्ता गठबन्धनबाट हुने भएकाले अरू कसैको काँधमा चढ्नु नपर्ने बताए ।

प्रचण्डमा प्रधानमन्त्री बन्ने क्षमता भएको उल्लेख गर्दै यादवले भने, ‘अहिले त्यो परिस्थिति बन्दै छ र गठबन्धनबाटै हुने भएकाले अरू कसैको काँधमा चढ्नु पर्दैन ।’

यादवले केपी ओलीको नेतृत्व रहेसम्म एमालेसँग मिल्न जानु राम्रो नहुने बताए ।