काठमाडौं, २२ असोज । नेपालमा डेंगु संक्रमणबाट मृत्यु हुनेको संख्या ४२ पुगेको छ ।

स्वास्थ्य तथा जनसंख्या मन्त्रालयका अनुसार गत साउन यता बढेको डेंगु ज्वरोको कारण हालसम्म मृत्यु हुनेको संख्या ४२ पुगेको हो ।

यो संख्या नेपालमा डेंगु भित्रिएपछिकै सबैभन्दा धेरै हो । यसअघि विसं २०७६ मा लगभग १८ हजार डेंगुका बिरामी हुँदा ६ जनाको मृत्यु भएको थियो ।

यस्तै, डेंगु संक्रमितको संख्या पनि ३२ हजार नाघेको छ ।