एजेन्सी, १९ असोज । एन्जेलिना जोलीले आफ्नो पूर्व पति ब्राड पिटले आफू र आफ्ना छोराछोरीलाई एक निजी विमान यात्रामा कुटपिट गरेको आरोप लगाउँदै सो घटनापछि आफूले अदालतमा सम्बन्ध विच्छेदको मुद्दा दायर गर्ने विचार गरेको बताएकी छन् ।

सन् २०१६ को भ्रमणका क्रममा पिटले उनको टाउको समातेर आफ्ना दुई बच्चालाई आक्रमण गरेको जोलीले बताइन्। फ्रान्सबाट लस एन्जलसको यात्रामा पिटले आफ्नो परिवारलाई दुर्व्यवहार गरेको र मदिरा फ्याँकेको उनको आरोप छ ।

यद्यपि, पिटले यी आरोपहरू अस्वीकार गर्दै आएका छन्। पिटको नजिकको स्रोतले बीबीसीलाई जोलीको दाबी गलत भएको बताए। उनले ६ वर्षअघिको घटनाको वर्णन दोहोर्याएको जुन पूर्णतया गलत भएको पिटको भनाइ छ ।

जोलीले आफ्नो अघिल्लो अदालत कागजातमा १४ सेप्टेम्बर २०१६ उडानको घटनाको पनि विवरण दिएकी थिइन्, जुन उनीहरूको सम्बन्ध विच्छेदमा पनि उल्लेख गरिएको थियो, तर त्यसमा दुर्व्यवहारको बारेमा मात्र कुरा गरिएको थियो ।

जोलीको कानुनी टोलीले मंगलबार लस एन्जलसमा एउटा नयाँ मुद्दा दायर गरेको छ, जसमा आक्रमणको पनि कुरा गरिएको छ। यो कानुनी मुद्दा दक्षिणी फ्रान्सको एउटा घर र वाइनयार्डसँग सम्बन्धित छ जुन जोली र पिटले सँगै किनेका थिए ।