काठमाडौं, २३ भदौ । नेपालमा पछिल्लो २४ घण्टामा २२७ जना कोरोनाका नयाँ संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार ४ हजार ४०१ जनाको परीक्षणमा २२७ जनामा संक्रमण पुष्टि भएको हो ।

१ हजार ५१८ जनाको पीसीआर परीक्षण गर्दा १३७ र २ हजार ८८३ जनाको एन्टिजेन परीक्षण गर्दा ९० जनामा संक्रमण पुष्टि भएको मन्त्रालयले जनाएको छ ।

पछिल्लो २४ घण्टामा १६८ जना संक्रमणमुक्त भएका छन् ।

हाल देशभर सक्रिय संक्रमितको संख्या २ हजार ४७३ रहेको मन्त्रालयले जनाएको छ ।