एजेन्सी, ६ भदौ । भारतीय टेलिभिजन सो ‘द कपिल शर्मा सो’ को नयाँ सिजन दर्शकमाझ आउने तयारीमा छ ।

नयाँ सिजनको तयारीसँगै कलाकारमा पनि फेरबदल भएको छ । अधिकांश नयाँ कलाकारको उपस्थिति रहने नयाँ सिजनमा कृष्णा अभिषेक भने हुने छैनन् ।

कृष्णा अभिषेकले पनि यो कुराको पुष्टि गरेका छन् । ‘सम्झौताको विषयका कारण म नयाँ सोको हिस्सा हुने छैन’, उनले भनेका छन् ।

अर्की कलाकार भारती सिंह पनि नयाँ सिजनमा बढी सक्रिय हुने छैनन् । उनले आफू ‘सारेगामापा लिटिल च्याम्प्स ९’को होस्ट गरिरहेकाले कपिल सोमा धेरै समय दिन नसकेको खुलाएकी छन् ।