काठमाडौं, २८ साउन । नेपालमा पछिल्लो २४ घण्टामा २६३ जना कोरोनाका नयाँ संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार ३ हजार १६५ जनाको परीक्षणमा सो संख्यामा संक्रमित थपिएका हुन् ।

पछिल्लो २४ घण्टामा कोरोना संक्रमणबाट २ जनाको मृत्यु भएको छ भने ५०१ जना संक्रमणमुक्त भएका छन् । देशभर कोरोनाबाट मृत्यु हुनेको संख्या ११ हजार ९८६ पुगेको छ ।

त्यस्तै, नेपालमा कोरोना संक्रमितको कुल संख्या ११ लाख ३९ हजार ४८९ पुगेको छ ।

हाल देशभर सक्रिय संक्रमितको संख्या ५ हजार ४३४ रहेको छ ।

पछिल्लो २४ घण्टामा देशभर थप १ लाख २७ हजार ३२१ जनाले कोरोनाविरुद्धको खोप लगाएका छन् ।