एजेन्सी, १८ असार । सर्बियन स्टार नोभाक जोकोभिच विम्बल्डन टेनिस प्रतियोगिताको चौंथो चरणमा प्रवेश गरेका छन् ।

सेन्टर कोर्टमा आफ्नै देशका मिओमिर किचमानोभिचलाई ३–० ले हराउँदै जोकोभिचले चौंथो चरणमा स्थान सुरक्षित गरेका हुन् ।

साविक विजेता जोकोभिचले खेल ६–०,६–३ र ६–४ ले आफ्नो पक्षमा पारे । अब उनले डच खेलाडी टिम भान रिजथोभेनको सामना गर्नेछन् ।

टिम जर्जियाका निकोलोज बासिलासभिलीलाई ६–४,६–३ र ६–४ ले हराउँदै चौथो चरणमा पुगेका हुन् ।