काठमाडौं, ७ असार । एसिसी महिला टी–२० च्याम्पियनसिपमा नेपालले पहिलो पराजय बेहोरेको छ ।

नेपाल मंगलबार सम्पन्न समूह चरणको आफ्नो अन्तिम खेलमा हङकङसँग ७ विकेटले पराजित भएको हो ।

नेपालले दिएको ११० रनको लक्ष्य हङकङले १५.४ ओभरमा तीन विकेट गुमाउँदै पूरा गर्याे ।

हङकङका लागि मारिको हिलले ३२ बलमा नौ चौकासहित सर्वाधिक ४५ रनको योगदान दिइन् ।

नताशा माइल्सले अविजित २८ र कप्तान केरी चानले १७ रन जोडे ।

यसअघि मलेसियाको किनरारा ओभलमा टस जितेर ब्याटिङ रोजेको नेपालले निर्धारित २० ओभरमा ६ विकेट गुमाएर १०९ रन बनाएको थियो ।

नेपालका लागि कप्तान रुबिना क्षेत्रीले ३६ बलमा ४ चौकासहित अविजित रहँदै ३२ रनको योगदान दिइन् ।

विन्दु रावलले २३ र अप्सरी बेगमले अविजित २२ रन बनाए ।

हङकङका बेट्टी चानले दुई तथा एलिसा हुब्राड र मार्यम बिबीले एक/एक विकेट लिए ।

यो हारसँगै चार खेलमा ६ अंक जोड्दै सेमिफाइनलमा स्थान सुरक्षित गरिसकेको नेपाल समूह ञबीझको दोस्रो स्थानमा झरेको छ ।

यसअघि नेपालले भुटानलाई ५० र कुवेतलाई २५ रनले तथा बहराइनलाई आठ विकेटले हराएको थियो ।

यो जितसँगै आफ्नो विजयी यात्रालाई कायम राखेको हङकङ तीन खेलमा ६ अंकका साथ शीर्ष स्थानमा उक्लिएको छ ।

एक खेल अगावै सेमिफाइनलमा स्थान पक्का गरेको हङकङले यसअघि भुटानलाई १४ तथा बहराइनलाई आठ विकेटले हराएको थियो ।

नेपाल शीर्षस्थानमा रहँदै सेमिफाइनल खेल्न अन्तिम खेलमा हङकङ कुवेतसँग फराकिलो अन्तरले पराजित हुनुपर्छ ।

हङकङ विजयी भएमा नेपाल समूहञबीझ को उपविजेताका रुपमा सेमिफाइनल खेल्नेछ ।