एजेन्सी, ६ असार । नवगठित वामपन्थी गठबन्धन सरकारले बहुमत प्राप्त गरेपछि फ्रान्सेली मतदाताहरूले पुनः निर्वाचित राष्ट्रपति इमानुएल म्याक्रोनलाई पूर्ण बहुमतले अस्वीकार गरेका छन् ।

सोमबार बिहान घोषणा गरिएको नतिजाले फ्रान्सेली राजनीतिलाई उथलपुथल गरेको छ । म्याक्रोन दोस्रोपटक राष्ट्रपति बनेको दुई महिना पनि पूरा भइसकेको छैन ।

प्राप्त नतिजा अनुसार मार्कोनले कुल ५७७ मध्ये २४५ प्राप्त गरेका छन् । यो परिणाम अझै पनि फ्रान्सको तल्लो सदन राष्ट्रिय सभामा पूर्ण बहुमतको लागि २८९ सिटको थ्रेसहोल्ड भन्दा कम छ ।

ताजा परिणामअनुसार जीन–लुक मेलन्चनको नयाँ लोकप्रिय पर्यावरणवादी र सामाजिक संघ (नुप्स) १३१ सिटका साथ दोस्रो स्थानमा आएको छ र देशमा बलियो प्रमुख प्रतिपक्ष बनेको छ ।

‘राष्ट्रपतिको दलको पतन निश्चित छ र कुनै बहुमत प्रस्तुत गरिएको छैन,’ अति वामपन्थी नेता जीन–लुस मेलेनचोनले प्रारम्भिक परिणामहरूमा टिप्पणी गर्दै साँझ भनेका छन् । ‘हामीले आफूले निर्धारण गरेको राजनीतिक उद्देश्य एक महिनाभन्दा कम समयमै हासिल गरेका छौँ ।’

राजनीतिक स्पेक्ट्रमको अर्को छेउमा मारिनले पेनको अति दक्षिणपन्थी राष्ट्रिय ¥याली पार्टी ८९ सिट जितेर तेस्रो स्थानमा पुगेको छ ।
नयाँ नतिजा पछि, म्याक्रोन २००० को चुनावी सुधारपछि पदमा वहाल रहँदारहँदै संसदीय बहुमत हासिल नगर्ने पहिलो फ्रान्सेली राष्ट्रपति बनेका छन् ।

–एएनआई