काठमाडौं, ४ असार । नेपालमा पछिल्लो २४ घण्टामा १४ जना कोरोनाका नयाँ संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार १ हजार ५९० जनाको पीसीआर परीक्षण गर्दा ११ र ९४४ एन्टिजेन परीक्षण गर्दा ३ जनामा संक्रमण पुष्टि भएको हो ।

त्यस्तै पछिल्लो २४ घण्टामा ११ जना संक्रमणमुक्त भएका छन् । हाल देशभर सक्रिय संक्रमितको संख्या १०४ रहेको छ ।

पछिल्लो २४ घण्टामा ६५ हजार २७८ जनाले कोरोनाविरुद्धको खोप लगाएका छन् ।