काठमाडौं, ३१ जेठ । नेपाललमा पछिल्लो २४ घण्टामा १२ जना कोरोनाका नयाँ संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार १ हजार ४७३ जनाको पीसीआर परीक्षण गर्दा ७ र ८६८ जनाको एन्टीजेन परीक्षण गर्दा ५ जनामा संक्रमण पुष्टि भएको हो ।

पछिल्लो २४ घण्टामा कोरोना संक्रमणबाट कसैको मृत्यु भएको छैन भने १६ जना संक्रमणमुक्त भएका छन् ।

योसँगै नेपालमा कोरोना संक्रमितको कुल संख्या ११ लाख १९ हजार ६२७ पुगेको छ भने मृत्यु हुनेको संख्या ११ हजार ९५२ पुगेको छ । त्यस्तै, ९ लाख ६७ हजार २३३ जना संक्रमणमुक्त भएका छन् ।

हाल देशभर ९३ जना सक्रिय संक्रमित रहेका छन् । जसमध्ये ९२ जना होम आइसोलेसनमा र १ जना संस्थागत आइसोलेसनमा छन् ।