काठमाडौं, १३ जेठ । नेपालमा पछिल्लो २४ घण्टामा कोरोनाका १२ नयाँ संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार देशभरका प्रयोगशालाहरुमा ३ हजार ३८७ जनाको नमुना परीक्षण गर्दा १२ जनामा संक्रमण पुष्टि भएको हो ।

२ हजार २३८ जनाको पीसीआर परीक्षण गर्दा ८ र १ हजार १४९ जनाको एन्टिजेटन परीक्षण गर्दा ४ जनामा संक्रमण पुष्टि भएको मन्त्रालयले जनाएको छ ।

पछिल्लो २४ घण्टामा १३ जना संक्रमणमुक्त भएका छन् भने १२४ जना सक्रिय संक्रमित रहेका छन् ।