काठमाडौं, २६ बैशाख । घरेलु टोली नेपालका मध्यक्रमका ब्याटर दीपेन्द्रसिंह ऐरीले जिम्बावे ‘ए’ विरुद्ध एकदिवसीय सिरिजको तेस्रो तथा अन्तिम खेलमा अर्धशतक प्रहार गरेका छन् ।

कीर्तिपुस्थित त्रिवि क्रिकेट मैदनमा २१४ रनको लक्ष्य पछ्याइरहेको नेपालका लागि उनले ३७ बलमा चार चौका र दुई छक्कासहित अर्धशतक पूरा गरेका हुन् ।

जारी खेलमा नेपालका लागि यो दोस्रो अर्धशतक हो । यसअधि ओपनर कुशल भुर्तेलले पनि अर्धशतक प्रहार गरेका थिए ।