काठमाडौं, १९ बैशाख । नेपालमा पछिल्लो २४ घण्टामा ९ जना कोरोनाका नयाँ संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार ३ हजार ३३३ जनाको पीसीआर परीक्षण गर्दा ८ र ९२२ जनाको एन्टीजेन परीक्षण गर्दा १ जनामा संक्रमण पुष्टि भएको हो ।

पछिल्लो २४ घण्टामा कोरोना संक्रमणबाट कसैको मृत्यु भएको छैन भने १८ जना संक्रमणमुक्त भएका छन् ।

योसँगै नेपालमा कोरोना संक्रमितको कुल संख्या ११ लाख १९ हजार २९ पुगेको छ भने मृत्यु हुनेको संख्या ११ हजार ९५१ पुगेको छ । त्यस्तै, ९ लाख ६६ हजार ६७४ जना संक्रमणमुक्त भएका छन् ।

हाल देशभर २११ जना सक्रिय संक्रमित रहेका छन् । जसमध्ये २०९ जना होम आइसोलेसनमा र २ जना संस्थागत आइसोलेसनमा छन् ।
कोरोनाका बिरामीमध्ये १ जना आईसीयूमा छन् ।