जनकपुरधाम, २२ चैत । धनुषाको विदेह नगरपालिकाकी उपप्रमुख निलम मण्डल नेकपा एमालेमा प्रवेश गरेकी छन् ।

गणेशमान चारनाथ नगरपालिकाकी उपप्रमुख मीनाकुमारी यादव एमालेमा प्रवेश गरेको एक दिन नबित्दै उनले पनि एमाले रोजेकी हुन् ।

त्यस्तै मधेस आन्दोलनको समयमा अग्रस्थानमा रहेका युवा नेता सुशिल कर्ण पनि एमालेमा प्रवेश गरेका हुन् ।

मधेस केन्द्रित दल त्याग्दै उनी नेकपा एमालेमा प्रवेश गरेका छन् । उनीसँगै व्यवसायी मौसम बजाज, किसन मण्डल, रोशन यादवसमेत एमालेमा प्रवेश गरेका हुन् ।

एमालेका केन्द्रीय सचिव रघुवीर महासेठले नवप्रवेशीलाई पार्टीमा प्रवेश गराएका हुन् ।