काठमाडौं, २१ चैत । त्रिकोणात्मक अन्तर्राष्ट्रिय टी–२० सिरिजमा नेपालका अलराउन्डर दिपेन्द्रसिंह ऐरी सर्वाेत्कृष्ट खेलाडी चुनिएका छन् ।

नेपाललाई सिरिजको उपाधि दिलाउन उत्कृष्ट प्रदर्शन गरेका दिपेन्द्र सिरिजको सर्वाेत्कृष्ट खेलाडी घोषित भएका हुन् ।

सिरिजमा दिपेन्द्रले पाँच खेल खेल्दै एक शतक र २ अर्धशतकसिहत कुल २५५ रन जोड्दा ७ विकेट लिएका थिए ।

पिएनजीविरुद्ध सोमबारको फाइनलमा उनले ब्याटिङ र बलिङमा उत्कृष्ट प्रदर्शन गरेका थिए ।

ब्याटिङमा उनले अविजित ५४ रनको अर्धशतकीय पारी खेल्नुका साथै बलिङमा ४ विकेट लिएका थिए ।

दिपेन्द्र फाइनलको प्लेयर अफ द म्याच समेत चुनिए । सर्वाेत्कृष्ट खेलाडी भए बापत उनले ५०० डलर प्राप्त गरे ।

करण केसी सिरिजको उत्कृष्ट बलर चुनिएका छन् । उनले सिरिजका पाँच खेलमा १३ विकेट हात पारे ।