एजेन्सी, ९ चैत । इंग्ल्यान्डका ब्याटर जेसन रोयलाई दुई अन्तर्राष्ट्रिय खेलको प्रतिबन्ध लागेको छ ।

इंग्ल्यान्ड एण्ड वेल्स क्रिकेट बोर्ड (इसिबी) को अनुशासन समितिले जेसनलाई दुई खेलको प्रतिबन्धका साथै २ हजार ५०० पाउण्ड जरिवाना गर्ने निर्णय गरेको हो ।

बोर्डले ३१ वर्षीय जेसनले क्रिकेटको हितमा प्रतिकूल असर पार्ने तथा क्रिकेटको खेल, इसिबी र आफैंलाई बदनाम गर्ने कार्य गरेको आरोप लगाएको छ । उनले त्यसलाई स्वीकार गरेको समेत बताइएको छ ।

विश्वकप विजेता इंग्लिस टोलीका सदस्य जेसनले हालै अनिश्चितकालका लागि क्रिकेटबाट ब्रेक लिने निर्णय गरेका थिए ।

इन्डियन प्रिमियर लिग (आइपिएल) नखेल्ने निर्णय गरेका उनले काउन्टी च्याम्पियनसिपका सुरुवाती खेल गुमाउने छन् ।