काठमाडौं, २९ फागुन । नेपालमा पछिल्लो २४ घण्टामा ६५ जना कोरोनाका नयाँ संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार ६ हजार ३०६ जनाको पीसीआर परीक्षण गर्दा ५९ र १ हजार ६४१ एन्टीजेन परीक्षणमा ६ जनामा संक्रमण पुष्टि भएको हो ।

पछिल्लो २४ घण्टामा संक्रमणमुक्त हुनेको संख्या १९२ रहेको छ भने कोरोना संक्रमणका कारण पछिल्लो २४ घण्टामा कसैको पनि मृत्यु भएको छैन ।

हाल देशभर सक्रिय संक्रमितको संख्या ४ हजार ९१७ रहेको छ ।