एजेन्सी, २० फागुन । पाकिस्तानको पेशावरस्थित शिया मस्जिदमा आत्मघाती बम विस्फोट हुँदा ३० जनाको मृत्यु भएको छ ।

सोही विस्फोटमा परी ५० जना घाइते भएका छन् । किस्वा ख्वानी बजारमा अवस्थित मस्जिदमा जुमाको नमाज चलिरहेको बेला विस्फोट भएको थियो ।

पाकिस्तानी मिडिया डनले जनाए अनुसार शुक्रबार मध्यान्ह नमाज चलिरहेको बेला दुइजना आतंककारी मस्जिदमा जबर्जस्ती पस्न खोज्दा सुरक्षाकर्मीले रोक्न खोजेका थिए ।

सोही क्रममा सुरक्षाकर्मीमाथि नै गोली चलाएपछि एकजनाको निधन भएको थियो । लगत्तै उनीहरूले विस्फोट गराएका थिए ।