काठमाडौं, १० फागुन । सहिद स्मारक ‘ए’ डिभिजन लिगअन्तर्गत मंगलबारको विभागीय डर्बीमा नेपाल पुलिस क्लब र एपिएफ फुटबल क्लबले बराबरी खेलेका छन् ।

त्रिपुरेश्वरस्थित दशरथ रंगशालामा दुवै टोली १–१ गोलको बराबरीमा रोकिएका हुन् । शुरूवाती अग्रता जोगाउन नसक्दा पुलिस अंक बाँड्न बाध्य बन्यो ।

खेल सुरू भएको २५ सेकेन्डमै सुमन लामाले गोल गर्दै पुलिसलाई शुरूवाती अग्रता दिलाएका थिए ।

४१ औं मिनेटमा प्रदिप लामाले एपिएफलाई १–१ को बराबरीमा ल्याए ।

यो नतिजासँगै १२ खेलबाट १५ अंक जोडेको एपिएफ आठौं तथा समान खेलबाट १२ अंकका साथ पुलिस ११ औं स्थानमा यथावत छन् ।