एजेन्सी, ६ फागुन । भूमध्यसागरको लोनियन समुद्रमा इटालीको झण्डा फहराउँदै अगाडि बढेको एउटा क्रुज जहाजमा आगो लागेको छ ।

जहाजमा २३७ यात्रु र चालक दलका ५१ सदस्यहरु रहेको ग्रीकको बन्दरगाह प्रहरीले जनाएको छ ।

जहाजका यात्रुलाई उद्दार गर्न तीनवटा टग बोट (जहाजलाई तान्ने शक्तिशाली डुंगा) र तीन ओटा गस्ती डुंगा घटनास्थलतर्फ पठाइएको प्रहरीले जनाएको छ ।

सो जहाज ग्रीसको सहर इगोउमेनिस्ताबाट इटालीतर्फ बढेको बताइएको छ ।

क्षतिबारे विवरण सार्वजनिक भएको छैन । आगलागीको कारण नखुलेको र त्यसबारे अनुसन्धान सुरु गरिएको ग्रीसको तटीय गार्डले जनाएको छ ।

तस्बिर : सांकेतिक