जनकपुरधाम, २३ माघ । धनुषाको शहीदनगर नगरपालिकाका प्रमुख प्रशासकिय अधिकृत शत्रुधन यादव कुटिएका छन् ।

आइतबार साझ स्थानीय केही युवाहरूको एक समूहले उनीमाथी हातपात गरेका हुन् ।

नगरपालिकाको प्रदेश २-०२ ००१ झ ००६८ नम्बरको गाडीमा सवार भई गइरहेका बेला यादवमाथी स्थानीय केही युवाहरुले हातपात गरेका छन् ।

नगरपालिकाको विभिन्न योजनाहरूमा प्रशासकीय अधिकृत यादवको समेत संलग्नता रहेको र मेयरको भ्रष्टाचारमा उनले साथ दिएको भन्दै आक्रोशित युवाहरुले उनी सवार गाडीलाई छेकेर हातपात गरेको स्रोतको दावी छ ।

हाकिम सवार गाडीलाई छिचोल्दै उनीहरूले कुटपिट गर्न थालेपछि प्रहरी घटनास्थलमा पुगेको थियो । प्रहरी पुगेलगत्तै हातपात गर्ने युवाहरू फरार भएको ईलाका प्रहरी कार्यालय यदुकुहाका प्रहरी नायव निरिक्षक शारदा शंकर शाहले जानकारी दिए ।

उनले फरार युवाहरूको खोजी भईरहेको जानकारी दिएका छन् ।