एजेन्सी, ७ माघ । घानाको पश्चिमी क्षेत्रमा ट्रक बिस्फोट हुँदा १७ जनाको मृत्यु भएको छ ।

घाना वेब न्युज आउटलेटका अनुसार मोटरसाइकलसँग ठोक्किएपछि उत्खनन् कार्यका लागि विस्फोटक पदार्थ बोकेको ट्रकमा बिस्फोटन भएको थियो ।

विस्फोटबाट नजिकैका भवन र पूर्वाधारमा पनि ठूलो क्षति पुगेको जनाइएको छ ।

अन्य सञ्चारमाध्यमहरूले घटनामा करिब ६० जना घाइते भएको पनि उल्लेख गरेका छन् । यद्यपि घटनाको विस्तृत विवरण भने आउँन बाँकी छ ।